6/11/13

Terceira edición de Enlaza Vigo, o luns, 25 de novembro de 2013

Co gallo da conmemoración, o 25 de novembro, do Día Internacional contra a Violencia de Xénero, o Consello Municipal da Muller e a Concellería de Igualdade do Concello de Vigo poñen en marcha, por terceiro ano consecutivo, Enlaza Vigo, un conxunto de accións dirixidas a denunciar e sensibilizar á sociedade sobre a violencia que se exerce contra as mulleres.

O pasado ano, Enlaza Vigo promoveu a celebración dun gran tapiz humano cun desenvolvemento previo, de carácter lúdico para todo o alumnado, na que participaron máis de 2.000  persoas, na súa maior parte alumnos e alumnas de centros de ensino secundario da cidade.

Nesta nova edición, Enlaza Vigo contra a Violencia de Xénero desenvolverá diversas accións, como a creación novamente dun tapiz humano na rúa (luns, 25 de novembro na farola de Urzáiz) e unha exposición colectiva realizada pola comunidade escolar (do 21 ao 27 de  novembro na rúa do Príncipe), actuacións que reflicten un berro colectivo e unánime de rexeitamento fronte ás tráxicas consecuencias que ocasionan as actitudes machistas.

Todas estas actividades estarán coordinadas por un equipo de profesionais vinculados/as á animación xuvenil.

Participa no Tapiz humano

Punto de encontro: farola de Urzáiz

De 10:30 a 11:45 h
Actividades lúdicas e reivindicativas.

De 11:45 a 12:15 h
Formación do tapiz

12.30h

Peche do evento




No hay comentarios:

Publicar un comentario